SPORTS News– Ginpasiguro it womens softball team it nasyon nga Philippine Blue Girls nga magiging proud ro nasyon sa pagsabak nanda sa Softball World Cup.
Igapatigayon ro nasambitang torneo sa maabot nga Hulyo 22 hasta it 27 sa Italy.
Ginpahayag ni veteran catcher Cheska Altamonte nga raya ro magiging malisod nga torneo nga andang pagapasakupan.
Aminado raya nga tagilid sanda apang pagahimuon nanda ro masarangan para magkampeon ag maipabugae ro nasyon.
Kalinyada sigon nanda ro three-time champion nga Japan, Canada, Venezuela, New Zealand ag ro host country nga Italy.
Unang makaengkwentro nanda ro Canada sa Hulyo 22.
Ro koponan it US mat-a ro defending champion.
Matapos it nasambit nga torneo hay magapahaom man ro Blu Girls sa Asian Games nga igapatigayon sa Hangzhou sa buean it Setyembre.
