Owa eamang nakatutok ro mga boksingero it nasyon nga makahakot it medalya sa pag-intra nanda sa 31st Southeast Asian Games sa Hanoi, Vietnam.
Ginpahayag ni Association of Boxing Alliances in the Philippines (ABAP) secretary-general Marcus Jarwin Manalo nga kung isipon hay sarang nanda nga eagpasan pa ro mga naangkon it boksingero it nasyon ku nagtaliwan nga 2019 SEA Games nga ginpatigayon sa Pilipinas.
Humakot it pitong gold, tatlong silver ag daywang bronze medal ro nasyon ko 2019 SEA Games.
Suno kay Manalo nga may mga timeline ro mga coaches nanda nga kaibahan sa training.
Nakatutok sigon sanda sa manami nga fight plan sa kada hampang.
Kaibahan it mga boksingero it nasyon sanday Australian coach Don Abnett nga imaw ro nagbuyot sa mga PInoy boxers nga sumabak sa Tokyo Olympics kapareho nanday flyweight Carlo Paalam, featherweight Nesthy Petecio ag bronze middleweight boxer Eumir Felix Marcial.
