Ginbuweltahan it Philippine Coast Guard ukon PCG ro naging pahayag it Chinese Foreign Ministry spokesperson Wang Wenbin angot sa laser-pointing incident sa Ayungin Shoal.
Suno kay Philippine Coast Guard Commodore Jay Tarriela, nagaguwa sigon nga ro mga coast guard pa it nasyon ro nagapinuril apang indi sigon raya mahimu it tropa it gobyerno.
Ginpahayag ni Chinese Ambassador to the Philippines Huang Xilian sa sangka press conference kahapon nga nagagamit eamang ro Chinese Coast Guard (CCG) it “hand-held laser” para masukat ro distansiya it kadasigon it Philippine ship ag signal directions para sa navigation safety.
Ginpamalibaran man kara nga sa Chinese Coast Guard vessel nanghalin ro lasers nga gintutok sa Philippine crew.
Ginpahayag dugang kara nga ro hand-held equipment hay bukon man it naging rason nga magka-damage sa barko it Pilipinas ag kung sin-o man ro nakasakay kara.
Apang ginpanindugan n Tarriela nga sangka military-grade laser ro ginamit ag bukon it regular laser eamang.
