Nakabuoe it promisa ro congressional delegation it Pilipinas nga ginapamunuan ni Speaker Ferdinand Martin G. Romualdez halin sa mga opisyal it Japanese parliament nga magabuoe ro Japan it dugang nga mga Pilipinong trabahador sa mga kritikal nga sektor kaparehas it elderly care.
Ro promisa hay naangkon sa ginpatigayon nga high-level discussions kaibahan si National Diet of Japan Speaker Fukushiro Nukaga ag Vice-Speaker Banri Kaieda nga ginpatigayon sa Tokyo parliamentary building.
Sa nasambit nga pueong, ginkilaea ni Vice-Speaker Kaieda ro mga hangkat nga ginapangatubang it Japan ag ro importanteng kontribusyon it mga Pilipino.
Makabulig sigon raya agud nga makaangkon it bag-ong kasayuran ro mga Pilipino sa teknolohiyang may una ro Japan.
Nasayuran nga masobra sa 300,000 nga Pilipino ro nagaistar ag nagatrabaho sa Japan kon sa siin kapin sa 164,000 ro una sa sektor it caregiving, agriculture, hospitality, ag manufacturing.
