Uman nga nasip-eatan ro Philippine deer ukon ‘Rusa marianna’ sa probinsya it Marinduque matapos ro pilang dekada nga ginapatihan nga uwa eon raya sa lugar, suno sa Department of Environment and Natural Resources (DENR).
Ginkumpirma it Marinduque Wildlife Sanctuary Protected Area Management Office ro presensya it magnaba sa 10 Philippine deer sa Barangay Makulapnit.
May una man nga mga agi it siki nga nakit-an sa Boac ag mga kaeapit nga lugar, nga pamatuod nga padayon nga nagairal ro nasambit nga species sa isla.
Suno sa DENR, ro uman nga pagguwa it Philippine deer hay bunga it gintingob nga pagtinguha it andang MIMAROPA regional office ag Provincial Environment and Natural Resources Office sa Marinduque.
Ginakabig raya bilang importanteng kadaeag-an sa conservation.
Apang, nagpaandam ro ahensya nga nagapabiling nagapameligro ro species bangud sa illegal hunting, poaching, ag pag-atake it mga wild dogs.
Samtang, plano it University of the Philippines Los Baños nga magpatigayon it pag-istudyo agud mausisa ro populasyon it Philippine deer ag makabilog it mga tikang para sa pangmabuhayan nga pag-amlig kara.
