KALIBO, Aklan—Nagabuylog ro dating male dominated government security agency, ro Philippine National Police, sa selebrasyon it National Women’s Month 2024 nga may tema makaron nga dag-on nga “Lipunang Patas sa Bagong Pilipinas: Kakayahan ng Kababaihan, Patutunayan.”
Suno kay P/Capt. Benny Jones Mendoza, hepe it Banga Municipal Police Station nga kada Biyernes nga adlaw hay nagasuksok it kulay violet nga eambong ro mga kapulisan nga kababayen-an para sa nasambit nga selebrasyon nga nagapakita it nagkaeain-eain nga milestones sa women empowerment ag gender equality programs sa PNP.
Sa kamatuoran suno kana hay maabu eon man nga chief of police nga babaye ag maskin sa iba pang mga ahensiya it gobyerno.
Tuyo suno kana it selebrasyon nga masigurong naprotektahan ro tanan nga kababayin-an sa nasyon bukon eamang makaron nga buean it kababayen-an kundi sa tanan nga oras ukon kahigayunan.
Ginatutukan man sigon it PNP agud nga eubusan nga matapna ro mga kaso it pagpang-abuso sa mga kababayin-an kapareho it rape, pageabag sa RA 9262 ukon Violence Against Women and Children, acts of lasciviousness ag iba pa.
