Ginsigurado it Philippine Navy (PN) nga nakapahaum ro andang Hukbong Pandagat kun sakali man nga lumala ro magiging tensyon sa tunga it Chinese Coast Guards (CCG) ag it mga tropa it Pilipinas sa West Philippine Sea (WPS).
Suno kay PN Spox. for the WPS Rear Admiral Roy Vincent Trinidad, ro andang role hay pabilinon nga euwas ro mga pamueuyong Pilipino ag bantayan ro seguridad sa WPS.
Raya hay matapos nga back-upan it China si dating Pangueong Rodrigo Duterte sa naging pag-aresto it International Criminal Court (ICC).
Ginasaligan abi nga mas magiging agresibo ro CCG sa andang padayon nga iligal nga pagpabilin sa sueod it Exclusive Economic Zone (EEZ) it nasyon.
Ro mga tensyon sigon hay bukon tuga it Sandatahang Lakas it nasyon kundi it sangka ‘foreign player’ nag gusto sigon nga pagdumaeahan ag sakupon ro WPS.
Samtang, pagsigurado ni Trinidad, nakapahaom ro andang pwersa para sa maskin anong sitwasyon bukon eamang maging sa nagapadayon nga tensyon sa katubi-an it WPS, apang maging sa seguridad it nasyon sa eugta man ukon maging sa himpapawid.
