Ginpaathag ni Mary Joe Galleon, administrator it Philippine Red Cross (PRC) Aklan Chapter ro mga kwalipikasyon sa pag-donate it dugo.
Raya hay kasunod it opisyal nga paglunsar it Bombo Radyo Philippines it dag-unan nga “Dugong Bombo” nga pagahiwaton sa Nobyembre 14, adlaw nga Sabado sa ABL Sports and Cultural Center.
Suno kana, ro nagapangunang kwalipikasyon hay ro mga donors hay una sa pang-edaron nga 18-65 anyos, apang pwede man nga magbaton it 16-17 anyos nga kaibahan ag may pahanugot it mga ginikanan.
Dapat man sigon nga una sa mayad nga kahimtangan ro ikamayad nga eawas ag una sa bug-at nga 50 kilos paatas.
Dugang pa nana nga dapat uwa it gin-inom nga makahieilong nga ieimnon sa sueod it 12 oras ag may 7-8 oras nga tueog. Kun makapasar sa inisyal nga assessment, pwede eon nga maka-donar.
Paathag pa nana, ro pagdonar it dugo hay naga-tao it benipisyo sa eawas bangud nga mageuwas sa nakabulig sa isig katawo, manami ro nagiging epeko kara sa kaeawasan.
Sa makaron, padayon nga nagataas ro demand it dugo tuga eon man it nagataas nga kaso it dengue sa probinsya it Aklan.
Padayon man ro andang pag-kampanya para sa voluntary blood donating activities para nga maging bastante ro suplay it dugo sa probinsya.
