KALIBO, Aklan—Naglunsar ro Philippine Statistics Authority (PSA) sa probinsya it Aklan it libreng birth registration para sa mga pumueoyo nga owa pa nakaparehistro.
Suno kay Mr. Peter Mangilog, Statistician II it PSA-Aklan nga ro libreng birth registration project hay ginpangunahan ni Undersecretary Dennis Mapa ko Hulyo 8.
Ro nasambit nga proyekto suno kana hay unang ginpatigayun iya sa Aklan kun sa siin ro mismong taeatapan ro nag-initiate.
Tuyo it proyekto nga mabuligan ro mga Aklanon nga owa pa nakaparehistro umpisa nga sanda hay natawo.
Gin-insister pa ni Mangilog nga raya hay libre bangud ro PSA ro magasabat sa tanan nga gaeastuson.
Ro target sigon it proyekto hay ro mga Indigenous People’s (IPs) ag indigent nga mga pumueoyo nga nagakinahang-ean it birth certificate.
Dugang pa kara nga kapin sa 10,000 ka mga indibidwal ro posibleng maka-avail it libreng birth registration.
Natigayun eon man sigon nanda nga matunga raya sa 17 ka mga munisipalidad it probinsya.
Aminado man si Mangilog nga maabo pang Aklanon ro owa pa it birth certificate ukon nakapa-rehistro.
Engkaso sigon nga maging madinaeag-on ro paglunsar it programa sa Aklan, plano man ni Undersecretary Mapa nga buksan raya sa iba pang mga lugar sa nasyon kamana man nga iga-rekomenda raya sa Senado agud nga mataw-an it pondo ag maging opisyal eon nga proyekto.
