KALIBO, Aklan—Aminado ro Provincial Health Office ukon PHO-Aklan nga may na-monitor sanda nga pilang mga kaso it COVID-19 sa isla it Boracay.
Apang suno kay Dr. Cornelio Cuatchon it PHO-Aklan nga owa nanda raya naeakip sa andang listahan bangud nga makabig sanda nga local tourist.
Ginpaathag kara nga may ginasunod sanda nga protocol nga kon ro sangka indibidwal hay nagtinir sa sangka lugar it kapin sa 14 diyas hay makaibahan sanda sa andang reporting it mga kaso apang kon umaeagi ukon pilang adlaw eamang ag pagbalik sa natungdan nga lugar hay nagpositibo sa covid 19 hay igaeakip sanda sa epidemiology bureau.
Raya hay kasunod it nag viral nga turista nga naghambae nga may mini outbreak it covid 19 sa Boracay.
Kaeabanan sigon sa mga kaso nga nailista sa Boracay hay puro naghalin sa National Capital Region ukon NCR.
