-- ADVERTISEMENT --
KALIBO, Aklan—Nagabaton eon it mga walk-in ro gobyerno probinsiyal it Aklan sa andang COVID-19 vaccination site sa ABL Sports and Cultural Complex.
Gin-anunsyo it Provincial Health Office ukon PHO-Aklan nga umpisa Nobyembre 2 hay pwede eon nga mag-agto sa nasambit nga vaccination site ro mga gusto nga magbaton it first dose it COVID-19 vaccine sa idaeum it “first come, first served” policy.
Raya hay bukas para sa mga 18-anyos pataas.
Kinahangean nga magdaea it valid ID ro mga magapabakuna kaibahan ro kaugalingon nga ballpen, facemask ag face shield.
Ro provincial vaccination area hay bukas kada Lunes hasta it Biyernes, umpisa alas-8 it agahon hasta alas- 3 it hapon para sa tanan nga mga walk-in vaccinees.
-- ADVERTISEMENT --
