KALIBO, Aklan—Nakalista ro Provincial Health Office ukon PHO-Aklan it mabahoe nga pagnaba sa numero it mga naninahan bangud sa paeupok makaron nga dag-on 2021.
Suno kay Dr. Cornelio Cuatchon Jr. it PHO-Aklan nga posibleng raya hay bangud sa limitado nga mga aktibidades agud nga makalikaw sa Coronavirus Disease 2019 ukon covid 19 pandemic.
Umpisa Disyembre 21, 2020 hasta Enero 1, 2021, ginatantiya nga naga-abot eamang sa 4 ukon 5 nga firecracker-related injuries ro andang nailista.
Raya hay mas manaba sa 17 nga nailista sa kaparehong period ko nagtaliwan nga dag-on.
Gindugang pa ni Dr. Cuatchon nga padayun pa nanda nga ginahueat ro iba pang datos halin sa mga nagkaeain-eain nga ospital sa aklan kun sa siin ro andang reporting period hay hasta pa sa Enero 5 it alas-5:59 it agahon.
Una sigon sanda nga nakalista it kaso ko Disyembre 25 , 28 , 31 ag Enero 1.
Puro sigon raya nga gin-refer sa out-patient department bangud nga mga minor injuries eamang ro andang naagum.
