KALIBO, Aklan–Nakalista ro Provincial Health Office (PHO)-Aklan it kabilugan nga 15,246 nga kaso it COVID-19 umpisa Marso 27, 2020 hasta Hunyo 20, 2022 sa bilog nga probinsya.
Suno kay Dr. Cornelio Cuachon Jr. nga kapin sa 14,869 eon ro mga nagmayad halin sa nasambit nga sakit ag 366 ro mga namatay.
Base sa record it taeatapan, 11 eon lang ro nabilin nga aktibong kaso hasta ko Hunyo 21.
Sa pihak nga parte, naga-abot eon sigon sa 80.45 percent ro numero it mga Aklanon nga nabakunahan kontra COVID-19.
Samtang, sa bahin man it A2 population nakalista ro PHO it 83.25 percent nga fully vaccinated rason nga nagapabilin sa alert level 1 ro status it probinsya.
Sa makaron, ap-at ka mga lokal nga gobyerno eon lang ro owa pa nakaabot it 70 porsyento it vaccination rate sa andang naskupan.
Ginaeakipan raya it banwa it Balete, Banga, Buruanga ag Lbacao.
