KALIBO, Aklan–Naumpisahan eon it Aklan Provincial Health Office ukon PHO-Aklan ro pagtao it 2nd booster shot ko nagtaliwan nga adlaw it Miyerkules, Abril 27 sa Provincial Vaccination Site.
Raya hay kasunod it ginpaguwa nga department memo it Department Of Health nga kung siin tanan nga immuno compromise individual hay puwedi eon magpabakuna it 2nd booster.
Ginpahayag ni J-Lorenz Dionisio, Vaccination Manager it Aklan Provincial Health Office nga nga ro nasambit nga pagtao it 2nd booster hay para anay eamang sa mga may health commodities kapareho it may mga malala nga masakit.
Suno pa kay Dionisio , target it PHO-Aklan nga mabakunahan it 2nd booster ro 80% sa kabilugan nga populasyon it Aklan ukon 496,000 nga mga pomoeuyo apang sa makaron kapin sa 200 paeang nga pomoeuyo it Aklan ro hapatigayon nga mataw-an it nasambit nga bakuna.
Dugang pa kara ni Dionisio , nga maanunsyo ro anda nga taeatapan it pinal nga schedule sa anda nga FB page apang sa paeaabuton nga adlaw it martes, may 3 apisar nga holiday hay may nakataeana nga schedule it vaccination umpisa alas 9 it agahon asta it alas-tres sa hapon.
Sa pihak nga parte, gina-engganyo man it PHO-Aklan ro mga pomoeuyo it Probinsya nga may mga immuno compromise condition ag gusto magpabakuna hay pwede eon magpabakuna it 2nd booster antes masobra eon sa tatlong buean matapos ro anda nga 1st booster.
Padumdum it PHO-AKlan nga apisar nga nakompleto eon ro 1st and 2nd primary doses hay kinahangean gihapon it sangka eawas ro nasambit nga booster para magtaas eoman ro ginaangkon nga proteksiyon kontra sa makataeapon nga virus.
