PHO Aklan, padayon ro   kampanya  sa mga pamatan-on nga inde eon pag-intrahan ro pagpanigarilyo

Nagapadayon ro kampanya it Provincial Health Office ukon PHO Aklan sa publiko eabi eon sa mga pamatan-on nga inde eon pag-intrahan ro pagpanigarilyo.

Suno kay Psyche Mae Villorente-Ruiz it PHO Aklan nga maabo ro maeain nga epekto sa eawas it pagpanigarilyo.

Nagaganar it andang ginansya ro mga kumpanya it sigarilyo samtang ro mga tawo hay amat-amat nga nagamasakit hasta nga mamamatay.

Ginpahayag dugang nga uwa gid it mapala ro mga pamatan-on sa pagpanigarilyo rason nga ginaengganyo man nanda ro mga LGU’s nga may naga-eksister eon nga laye angot kara nga hugton pa gid ro andang implementasyon.

Sa raya nga pamaagi hay mabuligan ro health sector sa andang kampanya ag sa handom nga daeayon eon uwa it magapanigarilyo.