KALIBO, Aklan–Padayun nga gina-engganyo it Provincial Health Office (PHO)-Aklan ro mga pumueoyo nga magpabakuna kontra COVID-19 ukon magpaturok it booster shot.
Raya hay kasunod it mas pang pagnaba it numero it mga pumueoyo nga naga-adto sa vaccination site para magbaton it bakuna.
Suno kay J-Lorenz Dionisio, Nurse III it PHO-Aklan nga nagapadayun ro andang pagbakuna sa sueod it Gaisano Capital halin Martes hasta Biyernes umpisa alas-9:00 it agahon hasta alas-4:00 it hapon.
Sa makaron, naga-average sigon sanda it 30 hasta 50 nga nagapabakuna kada adlaw.
Ro available sigon nga bakuna hay Pfizer ag Sinovac.
Base sa datus it taeatapan, masobra 100 porsyento eon it populasyon it probinsya ro nakabaton it 1st dose samtang 96 porsyento man ro naturakan it 2nd dose ag 20 porsyento pa eamang ro may booster.
Posible sigon nga nagiging kampante eon ro publiko bangud sa paghaeuga it mga restriction rason nga owa eon it masyadong nagaka-interes nga magpabakuna.
