Kalibo Aklan ———-Uman nga nagpadumdum ro Provincial Health Office (PHO-Aklan) nga indi dapat nga maging kampante sa pagiging ‘low risk’ classification it probinsiya bangud nga nagapabilin nga owa pa it kasiguraduhan ro sitwasyon kontra sa COVID-19.
Suno kay Dr. Cornelio Cuatchon, Jr. it PHO-Aklan nga ro classification it probinsiya hay bunga eamang it daywang domingo nga pagnaba it growth rate ag attack rate it virus rason nga nabutang kita sa low risk.
Mataas pa sigon ro kaso sa Western Visayas ag nabutang raya sa high risk classification .
Ro healthcare utilization rates man sigon it mga hospital hay una eon lang sa 6.57% ag manaba man ro Intensive Care Unit beds nga una eon sa safe zone .
Sa kabilugan , ro Aklan hay una sa alert level 2.
Madumduman nga ro Aklan hay naka-abot sa haeos 2,000 nga active cases ko kasagsagan it pinaka-peak it surge umpisa ulihing domingo it Hulyo hasta unang domingo it Agosto , apang natigayon nga na-manage it probinsiya ro pagtaas it COVID-19 cases matapos nga ibutang raya sa Modified Enhanced Community Quarantine (MECQ).
