Kalibo Aklan ——-Uman nga nagpadumdom ro Provincial Health Office (PHO-Aklan) sa publiko nga padayun nga magsunod sa ginapatuman nga health and safety protocol agud nga malikawan ro pag-eapta pa it coronavirus disease (COVID-19).
Suno kay Dr. Cornelio Cuachon Jr. it Provincial Health Office (PHO-Aklan) nga kaparte it estratehiya it National Inter-agency Task force against COVID-19 ro pagpatigayon it PDITR ukon Prevention, detection, isolation, quarantine, treatment ag re-integration.
Bangud kara, importante sigon ro ginahimo nga contact tracing it mga katapo it Municipal contact tracing team nga ginapangunahan it Municipal Health Office (MHO) kaibahan ro mga katapo it kapulisan.
Raya hay agud nga ma-clasify kung sanday sin- o ro ginakabig nga low, moderate ag high risk contacts it sangka pasyenteng nagpositibo sa COVID-19.
Ro mga high risk contact man hay igapaidaeum sa swab testing ag 14 days nga quarantine period.
Samtang ro mga low risk contact nga makitaan it sintomas it nasambitan nga sakit hay gilayon nga igapaidaeum sa swab testing.
Samtang, ginapahayag dugang ni Dr. Cuachon nga ro mga gina-quarantine hay ro may mga contact sa suspect, probable, ag confirmed cases.
Engkasong makitaan it sintomas hay iga-isolate.
Ginklaro man kara nga ro sin-o man nga mag-eabag sa ginapatuman nga health protocol hay pwedeng magapangatubang sa RA11332 ukon “Mandatory Reporting of Notifiable Diseases and Health Events of Public Health Concern Act”.
Nasayuran nga sa makarun hay may una eun nga 465 total cases it COVID-19 sa probinsya.
Kaabuan man sigon sa mga nagpositibo hay mga symptomatic ukon nakitaan it sintomas it makamaeatay nga sakit rason nga naging madasig ro pagkalhit it virus.
