Naputos makaron it kontrobersiya ro sangka museum sa New Zealand bangud sa kontrobersiyal nga artwork nga may titulong ‘Pickle’.
Ro “Pickle” hay obra it Australian artist nga si Matthew Griffin ag presenteng naka-display sa Michael Lett Gallery sa Auckland, New Zealand.
Raya hay himo halin sa sangka slice it pickled cucumber nga may ketchup ag nakadukot sa kisame it gallery.
Suno sa Michael Lett Gallery, ro nasambit nga artwork hay gindesinyo it artist agud nga kuwestiyunon kun ano ro ginatawag ag ginakonsidera bilang artwork.
Ro ”pickle” hay nagabalor it 10,000 New Zealand dollars.
Suno sa artist kara nga si Matthew Griffin, naghalin ro pickle halin sa sangka hamburger it sikat nga worldwide fastfood chain.
Nagkaeain-eain nga reaksyon ro nabaton it “Pickle”.
Kaabuan hay ginatawag raya nga “brilliant” ag “genius” samtang ro iba hay tan-aw nanda nga raya hay sangka kalokohan.
Sa makaron, owa pa it art collector ro interesado nga magbakae sa “Pickle” apang suno sa Michael Lett Gallery, may kaibahan nga instruction ro artwork kun paalin raya nga i-display sa baeay ukon gallery.
