KALIBO, Aklan—Nagbaton it food packs ag bulig pinansiyal ro mga empleyado it gobyerno sa probinsiya it Aklan nga naging biktima it pagpanaeasa it bagyong Ursula ko adlaw it Paskwa, Disyembre 25, 2019.
Suno kay Ferdinand Macogue, supervising human resource officer it Civil Service Commission ukon CSC-Aklan nga ro proyekto nga may titueong “oplan pag-ulikid para sa aton nga lingkod bayani” hay ginpatigayon kaina sa ABL sports and cultural complex, ala-1:00 hasta alas-4:00 it hapon.
Kapin sa 733 ro naging benepisyaryo it proyekto, kun sa siin, ro pinal nga listahan hay gin-evaluate it CSC Region 6 ag ko Department of Social Welfare and Development ukon DSWD base sa ginsundan nga kategorya.
Kaeabanan sigon sa mga raya hay naghalin sa mga local government units, Aklan State University ag iba pang mga ahensiya it gobyerno.
