National News———Ginpaidaeum sa Alert Level 1 ro Mountain Province sa Cordillera Administrative Region (CAR), Southern Leyte sa Region VIII, ag Misamis Oriental sa Region X.
Suno kay acting Presidential spokesman Martin Andanar, gin-aprubahan it Inter-Agency Task Force ro nasambitang alert level.
Una sa Alert Level 1 ro Buguias sa Benguet sa CAR, Atimonan ag Tiaong sa Quezon sa Region IV-A, Santa Magdalena sa Sorsogon ag Masbate sa Region V, Batad ag Zarraga sa Iloilo sa Region VI, City of Talisay sa Cebu sa Region VII, Javier (Bugho) ag La Paz sa Leyte, Maslog sa Easter Samar ag Paranas (Wright) sa Samar (Western Samar) sa Region VIII, Linamon sa Lanao del Norte ag Calamba sa Misamis Occidental sa Region X, Padada sa Davao del Sur sa Region XI, Sibagat sa Agusan del Sur ag Tubajon ag Cagdianao sa Dinagat Islands sa CARAGA.
Magiging epektibo ro Alert Level 1 status umpisa makarun nga Sabado, April 9, 2022 hasta April 15, 2022.
Samtang, nagapabilin man sa presenteng alert level ro mga owa namitlang nga probinsya, highly urbanized cities, independent component cities, component cities.
