Nagsuspinde eon it tagsa-tagsa nga operasyon ro nagkaeain-eain nga ahensya it gobyerno bangud sa gihapon it pagpanaeasa it Bagyong Karding sa nasyon.
Kasunod man raya it pag-apruba ni Pangueong Ferdinand “Bongbong” Marcos Jr. sa suspensyon sa mga klase ag trabaho sa pilang parte it Pilipinas sa tunga it pagpanaeasa it bagyo.
Ro Bangko Sentral ng Pilipinas (BSP) hay nag-abiso eon man sa publiko sa pamaagi it sangka advisory nga magasuspende raya it operasyon makaron nga adlaw.
Temporaryo man nga magasarado ro main office ag maabu nga branch it Social Security System (SSS) sa bilog nga Luzon.
Apang, ginklaro man it pamunuan nga maskin magasarado ro pila sa andang opisina hay magapabilin man nga bukas ro andang online channels kaibahan eon ro official website ag mobile applications.
