Nakit-an ro pilang Chinese warplanes maeapit sa median line nga nagatunga sa Taiwan Strait kasunod it pag-abot ni US House of Representatives Speaker Nancy Pelosi sa Taipei kabi-e.
Nasayuran nga pauman-uman sigon ro pagpatigayon it Chinese aircraft it tactical moves kapareho it madasigan karang pagtungtong sa median line ag pagpalibot sa ibang parte it Taiwan strait kahapon it agahon, adlaw it Martes.
Samtang ro aircraft man it Taiwan hay nakastandby eamang maeapit sa nasambit nga lugar.
Ginpahayag it Taiwan’s Defence Ministry nga haum sanda sa pagsabat sa military activities maeapit sa Taiwan ag insigidas nga magadeploy it andang pwersa bilang sabat sa hangkat it kalaban.
Una eon kara ro makapilang beses nga pagpaandam it China kontra sa planong pagbisita ni Pelosi sa Taiwan nga ginakabig it Beijing nga kaparte it andang teritoryo.
