NATIONAL News —- Dapat magpanabat sa laye ro pilang opisyal it Sugar Regulatory Administration (SRA) ag sugar millers sa nabulilyasong planong importasyon it 300,000 metric tons it asukal.
Raya ro ginpamilit it United Sugar Producers Federation of the Philippines (Unifed) sa atubang it ginpaguwa nga rekomendasyon makaron nga adlaw it Senate Blue Ribbon Committee matapos ro imbestigasyon sa sugar fiasco.
Partikular nga gindum-ok ni Unifed President Manuel Lamata sa kontrobersya sanday dating SRA Administrator Hermenegildo Serafica ag Philippine Sugar Millers Association President Pablo Lobregat.
Suno kay Lamata, nagapati sanda nga nakaangkon it kuntsabahan sa tunga nanday serafica ag grupo ni Lobregat.
Sa kamatuoran hay kato pa sigon nanda ginareklamo ro mga kabulastugan ni Serafica sa SRA apang makaron eamang nabulgar.
