KALIBO, Aklan—Pabor ro pilang fish vendor sa probinsiya it Aklan sa plano it department of agriculture nga mag-import it isda partikular ro galunggong.
Suno kay Aracely Fuentes, sangka negosyante it isda sa Estancia talipapa nga masyadong kapos makaron ro supply it isda maskin sa probinsiya it Aklan rason nga medyu mahae ro presyo.
Apang kon pagapapili-on, mas gusto nana nga ibaligya ro lokal nga isda kaysa sa imported bangud nga mas preska sigon ro mga isda nga halin sa nasyon.
Madumduman nga bangud sa gina-alegar nga kakueangan it supply it isda tuga it pagpanaeasa it bagyong Odette sa Visayas ag Mindanao ko Disyembre kamana man ro ginapatuman nga dag-unan nga fishing ban umpisa nobyembre hasta Pebrero rason nga ginaduso it DA ro pag-import it 60,000 metric tons nga isda.
Apang raya hay ginkontra it pilang grupo bangud nga pagapatyon eamang sigon kara ro pangabuhian it mga lokal nga mangingisda.
