KALIBO, Aklan—Sa atubang it naka-abang nga bigtime oil price hike, martes it agahon, pilang gasoline stations partikular sa banwa it Kalibo ro sarado ag may nakabutang nga karatola nga “out-of-stock”.
Raya ro nataeupangdan it bombo news team sa andang paglibot sa mga gasoline stations agud nga ma-monitor kon may mga nagapila eon nga mga motorista nga magapa-full-tank sa andang mga saeakyan.
Nasayuran nga base sa abiso it mga kompaniya it langis, magahampang sa P3.60 kada litro ro igataas sa presyo it gasoline umpisa hin-aga nga adlaw it mares; P4.10 sa kada litro ro kerosene ag P5.85 sa kada litro it diesel.
Ro bigtime oil price hike hay ginasugid nga tuga sa gihapon it nagapadayun nga giyera sa tunga it Russia ag Ukraine ag ro mga penalidad nga ginpapanaog it mga mabahoe nga nasyon kontra sa Russia.
