Pilang grupo gin-engganyo ro BSP nga indi anay magsukot it mga transaction fees

Kalibo Aklan ——-Gin-engganyo it grupong Infrawatch Philippines ro Bangko Sentral it Pilipinas (BSP) nga ipaiway anay ro pagpanukot it mga transaction fees hasta nga may una pang coronavirus pandemic.

Bukon sigon it pare-pereho kon sa siin may pilang bangko ro nagapanukot eon it transaction fees samtang ro iba hay ginapaiway it hasta sa katapusan it dag-on.

Para sigon maging patas sa tanan hay dapat maghueag eon ro BSP sa nasambitang isyu.

Madumdumang gin-almahan it kaeabanan ro pag-imponer it pilang mga bangko it service fees kon sa siin sambilog sigon raya nga pabug-at sa tyempo it pandemic.