KALIBO, Aklan–Maabong mga masakit ro nagatuhaw sa tiyempo it summer ukon tag-init.
Raya hay bangud sa grabe nga kainit it tiyempo nga kung amat hay may kaibahan nga eapta-eaptang paguean-uean.
Bangud kara may pilang ka mga pagpadumdom sa publiko si Dr. Glenford Refre, sangka internist-pulmonologist.
Suno kay Dr. Refre nga mas manami sa gihapon nga may nasayuran ro sangka indibidwal agud nga makalikaw sa nagkaeain eain nga masakit tuga it masyadong mainit nga tiyempo.
Pila sa mga dapat nga himuon agud nga indi kapyutan it kagaw hay ro paglimita sa pagguwa it panimaeay kung owa man it importanteng napanawan.
Siguraduhon nga perming hydrated ro kaeawasan pamaagi sa perming pag-inom it tubi.
Nasayuran nga pila sa mga masakit nga nauuso kun mainit ro tiyempo hay ro Asthma, trangkaso, sore eyes, measles, chicken pox , rabbies ag maabo pang iba.
Owa man it may ginapili nga edad ro nasambitan nga mga masakit apang mas vulnerable sigon ro mga may edad eun ag ro mga unga.
Madumduman nga ko nagtaliwan nga dominggo hay opisyal eun nga gindeklara it PAG-ASA ro dry season sa bilog nga Pilipinas.
