KALIBO, Aklan—Mabahoe ro naging pagpasaeamat it mga opisyal it Tokyo games bangud nga bukon it masyadong mabaskog ro pagtama it ginapaabot nga bagyo.
Suno kay Bombo International Correspondent Johnny Sato Gallos nga may sangkiri eamang nga pag-uean ag matsa mabaskog nga hangin ro daea it maeain nga paniempo.
Bilang precautionary measures suno kana hay gin-reschedule nanda ro pilang Olympic events eabi eon ro mga maeapit sa dagat kapareho it mga rowing events kun sa siin ko sabado ag domingo nanda raya ginpatigayon nga mas temprano sa annag schedule.
Naging mabahoe man suno kay gallos nga factor ro teknolohiya maghalin sa Japanese Meterological Agency rason nga matantiya eagi nanda ro daeagan it tiempo.
Sa pihak nga parte, umpisa nga ginbuksan ro olimpiyada hay owa it anuman nga natabu nga aberya ag naging smooth sailing ro mga hinampang sa ginakabig nga most silent Olympic sa kasaysayan.
