Kalibo Aklan ———–Maabu nga nagakansela makaron it mga bookings sa mga hotels ag restaurants agud nga pagapatigayunan kunta it Christmas party bangud sa omicron variant it covid 19.
Suno kay Bombo International Correspondent Bowie Necor Rose, tumandok it Lawaan, Antique ag presenteng nagatrabaho sa Oslo, Norway nga hugut pa nga nagapatuman ro gobyerno idtu it restrictions agud nga malikawan ro uman nga pagtaas it kaso it covid 19.
Makabig suno kana nga bukon it masadya kapareho it nakasanayan ro selebrasyon it paskwa bangud sa pandemya .
Sa pihak kara, nagapabilin ro mga Christmas decorations sa mga kabaeayan ag mga establisimento komersiyal partikular ro mga makolor nga christmas lights, santa claus ag iba pang mga palamuti .
Ginadayo man suno kana it mga tawo ro sangka park nga ginbansagan nanda nga winter wonderland .
Sa pihak nga parte, kumpara sa handaan sa pilipinas, tig sangkiri eamang kon maghanda ro mga Norwegians bangud nga sangkiri man sanda kon magkaon ag pinamilya eamang ro imbitado ag bukon it bilog nga barangay.
Masyadong buhi sigon ro espiritu it paskwa sa Norway bangud nga majority sa andang populasyon hay kristiyano.
Nag umpisa eon man suno kana ro simbang gabi.
Gusto man it mga Norwegian ro magpatukar it mga Christmas songs umpisa December 1 kumpara sa pilipinas nga pagpatak eagi it ber months.
