Kalibo Aklan ———-Nagpaabot it andang reaksiyon ro pilang ka mga commuters sa banwa it Kalibo matapos ro uman nga pagsipa it presyo it mga produktong petrolyo sa ika-12 nga beses.
Suno sa sangka pasahero nga si Helen Villanueva it C. Lazerna Street, Kalibo nga paadto it Pandan Antique ag nagsakay sa L300 van nga nagaparada sa Kjad Terminal nga may biyaheng Caticlan-Kalibo ag vice versa nga kungta hay makahimo it aksiyon ro gobyerno agud nga mabuligan ro mga apektadong pomoeuyo.
Dapat man sigon nga mapataasan ro suweldo it mga trabahador kamana man nga mataw-an it bulig ro mga driver it pampublikong saeakyan.
Samtang sa mga commuters man sigon hay dapat nga magka-antiguhan nga magkontrol it mga gaeastuson ag indi eun magbinakae pa it bukon it importante bangud mas manami nga may matipon nga kwarta para sa emerhensiya.
