KALIBO, Aklan—Nakaangkon it sangkiri nga pagbag-o sa schedule it rowing event sa Dominggo ag Lunes bangud sa ginaeauman nga pagtama it bagyo sa Japan.
Apisar nga summer season, may paeag gihapon it pagtama it pilang ka mga bagyo sa nasambit nga nasyon.
Suno kay Bombo Samurai Correspondent Lea Bartiquin nga sambilog raya sa ginakabaeak-an ag ginapahaum makaron it gobyerno bangud posible rayang makaapekto sa pilang ka mga hampang.
Angot kara, sangka atleta man halin sa Algeria ro umatras sa hampang matapos nga matukiban nga taga-Isarael ro anang makasambuwa sa Judo.
Bangud kara, ginpakamayad it organizing committee nga suspendihon ro natungdan nga atleta matapos kara nga haluan it pulitika ro olympiyada.
Samtang, uman nga nadugangan it 17 ro mga bag-ong nagpositibo sa COVID-19 sa sueod it mismong athletes village rason nga humampak eon sa 127 ro kabilugan nga tinamaan it sakit umpisa ko Hulyo 1.
