KALIBO, Aklan–Masako eon sa pagbaton it mga bookings ag reservations ro pilang ka mga hotel sa banwa it Kalibo kasunod it nagahilapit nga selebrasyon it Valentine’s Day.
Suno kay Melanie Columbres, Front Desk Officer it C-9 Hotel nga maabu eon ro nagkontak kanda para magpa-reserve it kwarto para sa adlaw it mga tagipusuon.
Maskin nga mataas ro demand makaron nga tyempo, owa sigon sanda nagpatuman it pagbag-o sa rate it andang mga kwarto.
Ro fan room suno kana hay nagabalor it P600 per night samtang ro airconditioned room nga may kaibahan nga TV hay P1,100 ag ro airconditioned room nga owa it TV hay P1,000 kamana man ro suite room hay nagabalor it P2,000.
Nagatao man sigon sanda it sangkiri nga diskwento sa andang mga guest.
\Maskin anong oras suno kana hay pwedeng mag-check in apang ro checkout time hay hasta eamang it alas-12:00 it udtro adlaw.
Samtang, plano man nanda nga magbutang it freebies sa kada kwarto kapareho it candies ag balloon.
Angot kara, hugut nga ginabawaean it management ro pagpasueod it mga menor-de-edad, pagsigarilyo ag pag-inom sa kwarto.
