KALIBO, Aklan—Kasunod it pilang mga nailistang kaso it COVID-19 ag pagpameke it resulta it RT-PCR test, ginmando makaron ni Malay Mayor Frolibar Bautista sa Philippine Coast Guard ag Aklan Maritime Police nga dakpon ro mga tawong pasekreto nga nagasueod sa isla it Boracay.
Raya hay kasunod it nabaton nga report nga may pilang indibidwal nga nagasueod sa Boracay bandang alas-3 hasta alas-5 it aga-aga kung siin naga-agi ro mga raya sa bahin it Bulabog, Ilig-iligan ag Tambisaan.
Suno kay Mayor Bautista klarong pag-eabag sa health and safety protocols ro ginahimo it mga nasambitang indibidwal bangud owa nag-agi sa tamang proseso sa pagsueod sa isla.
Mabahoe man suno kana ro magiging paeag kara sa kaeawasan it mga residente ag turista.
Maeuwas kara, gina-eabag man sigon it mga raya ro one entry, one exit policy.
Ginpasiguro man it opisyal nga pagakasuhan ro sin-o mang madakpan nga may kahilabtanan sa raya nga tikang.
