KALIBO, Aklan—Posibleng igapaidaeum sa lockdown ro pilang ka mga lugar sa nasyong Thailand bangud sa mga nailistang kaso it Omicron variant it covid-19.
Suno kay Bombo International Correspondent Michael Garulacan it Thailand nga nag-abot eun sa 743 ro mga nailistang kaso it omicron variant it covid 19 sa nasambitan nga nasyon.
Nagapanguna sa may mataas nga kaso ro capital it nasyon nga Bangkok.
Ginapahayag dugang nga nag-umpisa ro pagkaangkon it surge sa Thailand matapos nga makarecord it tatlong ka mga kaso it nasambitan nga sakit ag puro tanan may travel history sa nasyong South Africa kung sa siin naghalin ro omicron variant.
Sa makarun hay puro eun local case ro andang nailista nga kaso it nasambitan nga variant it covid-19.
Samtang, bangud sa gihapon sa mga nailsitang mataas nga numero it mga kaso it omicron variant it covid-19 hay naging limitado eamang ro naging selebrasyon it mga Thais sa pagsug aeaw it Bag-ong dag-on.
Raya hay bilang pangaman nga indi eun magkalhit pa ro makamaeatay nga sakit.
