Kalibo Aklan ——–Nagapanawagan it bulig ro pilang ka mga motorista sa probinsya it Aklan bangud sa uman nga pagpatuman it oil price hike makarun nga adlaw it Martes, Marso 29.
Suno sa habal-habal driver nga si Hernani Bañes it Oyotorong Street, Kalibo nga masyado eun gid nga masakit sa andang boesa ro presyo makarun it mga produktong petrolyo.
Dugang pa kara nga ro anang ginakita sa paglibod it pandesal hay maigo eamang sa sang adlaw nga paglibot-libot ag haeos owa eun it maibakae it bugas ag suea sa anang pamilya.
Ro anang rota sigon hay ro Barangay Andagao, Bakhaw ag Mobo kun sa siin may una eamang imaw nga ginakitang P15 sa kada P100 nga maibaligyang pandesal.
Nasayuran nga umpisa kaina it agahon hay uman nga nagpatuman it oil price hike sa ika-12 nga beses ro Petron gasoline station sa Mabini Street, Kalibo.
Sa makarun hay naga-abot eun it P76.48 ro presyo it special maghalin sa dating P73.00.
Ro unleaded nga dating P72.25 hay naga-abot eun it 75.55 samtang ro diesel nga dating P66.80 hay kapin eun sa P79.51 ag ro turbo nga dating P68.80 hay nagabalor eun it P75.44.
