Pilang ka mga nasyon, nagpagguwa it tsunami advisory matapos ro pagsabog it under water volcano sa Tonga

KALIBO, Aklan—Sangkiri eamang ro naging kahalitan matapos ro pagsabog it under water volcano sa Island nation nga Tonga.

Suno kay Bombo International Correspondent Greg Aguilar, insigida nga nagpagguwa it abiso ro gobyerno angot sa posibleng pagtuhaw it tsunami.

Nagpagguwa man it tsunami advisory sa east coast it Australia partiklar sa Queensland, New South Wales, Victoria ag Tasmania kamana man sa Lord Howe, Norfolk, ag Macquarie Island.

Matueopangdan nga gulping sumabog ro aktibong bulkan nga Hunga Ha’apai nga una sa idaeom it kaeawran.

Ginpahayag ni Aguilar nga ginmando it gobyerno ro pagpasarado sa mga baybayon ag ginbawae ro aktibidad sa kaeawran kapareho it pag-eangoy, surfing ag pagpangisda.