KALIBO, Aklan—Apisar it waea tuo nga pag-atake it Russia sa nasyon nga Ukraine, kaabuan sa gihapon sa mga Overseas Filipino Worker’s (OFW) nga nakabase idto hay gustong magpabilin ag owa naila nga makaibahan sa pagahimuon mga repatration it gobyerno.
Suno kay Bombo International Correspondent Jeni Lopez it Maidan, Kyiv, Ukraine nga sa kaabuan sa mga OFW’s sa Ukraine hay owa it nagakaigo nga dokumento rason nga nahadlok ro mga raya nga mag-uli it Pilipinas bangud sa posibilidad nga indi eun makabalik pa sa andang trabaho.
Sa makarun hay sigidas sigon ro pagpasabog it bomba sa pinakasentro it nasyon samtang nagapadayun man ro engkwentro kontra sa mga suldado it Russia ag Ukraine.
Maabo eun sigon nga mga suldado it Russia ro namatay samtang sa Ukraine hay may 1,000 ka mga suldado nga ninahan ag masobra 200 ro namatay.
Sa makarun hay nagpangayo eun sigon it bulig ro Presidente it Ukraine sa ibang mga nasyon apang padayun nga nagapanindugan nga indi raya magsurender sa Russia.
