-- ADVERTISEMENT --
Ginsamad it mga security forces it India ro mga panimaeay it pilang Muslim nga gina-angot sa riots bangud sa pagpanamad kay Prophet Mohammed.
Antes pa man gub-on ro mga baeay hay gin-abisuhan eon ro mga raya nga aywanan eon ro andang baeay.
Halin sa natabo nga riot hay naga-abot eon sa 300 katawo ro gin-aresto nga may kaangtanan sa kinagamo.
Nauna kara hay nagmitlang it bukon it manami nga tinaga si BJP spokeswoman Nupur Sharma nga ginkaakig it mga Islamic nations.
