KALIBO, Aklan–Nagapadayun makaron ro pilang ka mga programa it Bureau of Jail Management and Penology (BJMP)-Aklan para sa mga Persons Deprived of Liberty (PDL).
Ginpahayag ni Jail Inspector Rolyn Malolos, District Jail Warden it BJMP-Aklan nga may memorandum kanda halin sa Department of the Interior and Local Government (DILG) angot sa safety seal.
Dikara hay nagapatigayun sigon it eksaminasyon ag inspeksyon ro DILG kung nagasunod ro taeatapan sa mga gintaeana nga protocols.
Sa kamatuoran suno kana hay kaka-renew eamang nanda para sa safety seal.
Pila sa mga nakalinyadang programa para sa ikaayong eawas it mga PDL hay ro anti-smoking, Tuberculosis ag maabo nga iba pa.
Sa makaron, may daywa sigon sanda nga kaso it TB kung siin ro mga pasyente hay nakabutang sa separado nga selda para masiguro nga indi sanda makatapon sa iba.
