KALIBO, Aklan–Sa sobrang kainit it tiyempo hay puweding makabo-oe it nagkaeain eain nga klase it sakit ag kaibahan kara ro sakit sa panit, dehydration ag heat stroke ukon heat exhaustion.
Ro utok ro sambilog sa mga organo nga pinaka-apektado kung nakaexperiensiya it heat stroke.
Suno kay Dr. Glenford Refre, sangka Internist-Pulmonilogist nga ro mga unga ag magueang mas kapin ro may mga mataas nga presyon ro kinahangean nga maglikaw sa sobrang kainit bangud nalisdan ro andang kaeawasan nga mag-adjust sa sobrang mainit nga tiyempo.
Sa sobrang kainit it tiyempo hay nagakasamad ro thermoregulsayon it atun nga eawas mas kapin kung bukon pa it mahilig mag-inom it tubi.
Samtang agud nga makalikaw sa heat stroke, dapat sigon nga mag-inom it maabong tubi.
Importante nga mapabilin nga hydrated mas kapin eun kung tag-init.
Magsuksok it haeuga, manipis ag brightly colored nga eambong nga himo sa light materials.
Ro mga dark colored ngaeambong hay mas nakaka-absorb it init rason nga mas mainit raya kung isuksok.
Maggamit it kaeo kung nagaguwa agud mabasawan ro exposure sa adlaw.
Limitahan ro pagbuead sa adlaw ag likawan ro mga mabug-at nga aktibidad kung mainit ro tiyempo.
