KALIBO, Aklan—Pilang barangay sa banwa it Banga, Balete, Batan, Altavas ag Libacao ro ginbaha sa kasagsagan it mabaskog nga pagbubu it uean umpisa kabi-i hasta kaina it Biyernes it agahon.
Sa Barangay Torralba, naga-abot sa tuhod ro kataason it baha rason nga naga-igod ro mga saeakyan.
Nabudlayan man ro pilang mga commuters ag motorista nga makatabok sa mga ginbaha nga karsada rason nga nakaangkon it sangkiri nga trapiko.
Naeumos man sa baha ro pilang barangay partikular ro mga maeapit sa suba.
Samtang, pilang residente sa altavas ro gin-evacuate bangud sa baha.
Bantay-sarado man it taga-Provincial Disaster Risk Reduction and Management Office ukon PDRRMO ro mga kasubaan sa Aklan eabi eon sa Libacao, Madalag ag Kalibo.
Sa weather update it pag-asa, ro grabeng pag-uean hay epekto it ginamonitor nga Low Pressure Area ukon LPA.
