Gin-anunsyo it Philippine National Police (PNP) nga nakataeana nga igasarado ro pilang karsada maeapit sa National Museum of the Philippines, kung siin pagahiwaton ro inagurasyon ni President-Elect Ferdinand “Bongbong” Marcos Jr., sa Hunyo 30.
Suno kay PNP Directorate for Operations Director Major General Valeriano De Leon, plano nanda nga magpagguwa it advisories sa mga motorista napueong adlaw antes ro pagpasarado it nasambit nga mga karsada.
Nagaeaum man si De Leon nga magadeklara it holiday ro lokal nga gobyerno it Manila sa Hunyo 30 agud nga masaksihan ro historic inauguration kamana man nga indi madisturbo ro mga may trabaho ukon importanteng pamanawon bangud sa mga igasarado nga karsada.
Dugang pa it PNP nga ginaeauman eon nanda ro pagdagsa it mga raliyista sa Liwasang Bonifacio rason nga mas mayad sigon nga magdeklara it holiday ro siyudad.
