Kalibo Aklan ————Nakaaangkon eun it paghueag sa presyo ro pilang klase it bugas nga ginabaligya sa mercado publiko.
Suno sa sangka tindera it bugas nga si Bebsy Reyes ag nakapuwesto sa Kalibo Public Market, nagpatuman sanda it pagtaas sa presyo it regular nga bugas matapos nga magkaubusan it suplay maghalin sa pilang ka mga galingan sa nagkaeain eain nga banwa partikular eun sa Lezo ag Makato nga imaw ro andang mabahoe nga supplier it bugas.
Sa pihak kara, owa man sigon naapektuhan sa pagmahae it presyo ro mga first class nga bugas.
Ro bugas nga anda sigon nga ginabakae maghalin sa Mindoro hay nagapabilin sa anang dating presyo kun sa siin ro Dinorado hay P50 samtang ro Jasmine hay P48.
Kung magbakae man sigon ro costumer it 5 kilo pataas hay nagatao pa sanda it discount.
