KALIBO, Aklan–Maabu eon nga mga kompaniya ro naglunsar it kaugalingon nga version it Artifical Intelligence (AI).
Ro unang naglunsar kara hay ro ChatGPT samtang ko kan-o eamang hay nagpagguwa man it kaugalingon nga version ro Microsoft kamana man nga ro Google hay naga-layout it andang IA version.
Suno kay Bombo International Correspondent Greg Aguilar it California, USA nga posibleng madugangan pa ro mga kompaniya nga magakriar it kaparehong tikang para sa technological development.
Makabig suno kana nga makahawat-hawat ro matabo sa paeaabuton bangud sa Artificial Intelligence.
Samtang, ginapanan-aw man kara nga mabahoe ro magiging kinaibahan it trabaho makaron it mga tawo ag sa paeaabuton.
Nauna eon nga ginpaathag ni Aguilar ro napueo ka mga trabaho nga naeakip sa highest-risk nga bayluhan it Artificial Intelligence sa masunod nga 25-anyos.
Ginaeakipan raya it tech jobs, media, legal industry, market research analysts, teachers, finance job, traders, graphic designers, accountants ag ro customer service agents.
