Pilang libong residente sa Papua New Guinea ginpabakwit bangud sa pagpanaeasa it landslides

International News—Ginpabakwit it gobyerno it Papua New Guinea ro pilang libong residente matapos ro natabo nga landslide bangud sa pagkahugos it bukid.

Padayon man ro ginahimo nga rescue sa nasambit nga lugar kon sa siin ginatantyang kapin sa 2,000 katawo ro natabunan sa northern Enga region.

Nagbulig eon man ro mga soldado para sa pagpabakwit it mga residente.

Ginakabig ro insidente bilang pinakamalalang landslide sa kasaysayan it Papua New Guinea.

Nagpatigayon eon man it relief operations ro United Nations para sa mga apektadong residente.