Ginakabaeak-an it sangka ekonomistang mamalidha nga nagapameligro nga maduea ro pilang local nga industriya bangud sa mataas nga presyo it mga asukar.
Suno kay Albay 2nd district Rep. Joey Salceda, raya hay maga-resulta it pagkaduea it mga trabaho para sa mga Pilipino nga makaron hay nagakatabo eon.
Dugang pa it mamalidha nga may pilang top brand it kape nga gina-angkat bangud indi masarangan nga makipagkompetensiya it domestic manufacturers kapareho it homegrown brand nga gina-inom nga gina-ubra pa sa Vietnam bangud mahae ro asukar sa Pilipinas.
Ginapanan-aw nga sunod nga nagapameligro ro domestic fruit canning ag manufacturing nga nagapangunang jobs provider sa bahin it Mindanao.
Kaeuoy man suno kana ro nagahimo it softdrinks kung siin kapin sa 18% it andang ginataeana para sa produksyon hay asukar.
