KALIBO, Aklan—Uman nga gin-anunsiyo it Premier sa North South Wales, Australia nga si Gladys Berejiklian ro pagpatuman it daywang dominggo nga lockdown sa Sydney, Central Coast, Blue Mountains ag Wollongong umpisa alas 6:00 it gabi-e ko adlaw it Sabado June 26 hasta sa July 9, 2021.
Suno kay Bombo International Correspondent Denmark Suede it Sydney, Australia nga sa makarun ro ginapasugtan eamang nga makaguwa sa andang panimaeay hay ro mga masunod; ro mga nagapamakae it pagkaon ukon iba pang essential goods and services; Medical care or compassionate needs kaibahan eun ro pagbatun it Covid-19 vaccine; outdoor exercise nga indi dapat magtaas sa pueong ka grupo it mga indibidwal; ag essential education or work kung sa siin bukon it applicable ro work from home.
Samtang, bukas man ro mga food businesses apang dapat hay for take out eamang.
Ro mga Supermarkets ag grocery stories hay magabukas man sa kabilugan nga pagpatuman it lockdown.
Ro mga entertainment facilities kapareho it theatres, cinemas, music halls, concert halls and dance halls, ag amusement centres, kapareho it play billiards, pool, pinball machines or video games hay hugot anay nga ginadumilian hasta nga padayun pa ro pagtinaas it mga kaso it delta variant nga covid-19 sa mga nasambitan nga lugar.
