KALIBO, Aklan—Bangud sa pagnaba it kita tuga it grabeng pagtaas it presyo it produktong petrolyo, plano it pilang mga mangingisda sa Aklan nga mag-usoy eon lang it ibang pangabuhian partikular ro pagsueod sa construction.
Suno sa mangingisdang si Pedro Segaton it barangay new buswang kalibo, haeos owa eon sanda it ginakita bangud sa sunod-sunod nga oil price hike ag presensiya it mga dayo nga mangingisda halin sa antique nga mabahoe nanda nga kakompetensiya.
Masyado sigon sanda nga lugi bangud nga mabahoe ro andang mga baroto kamana man nga iya pa nanda ginabagsak ro andang dawi.
Apela nana sa natungdan nga aksyunan ro andang reklamo sa illegal nga pagsueod ag pagpangisda it mga raya sa kaeawran it Aklan.
May naga eksister sigon nga laye angot kara, apang owa man gina-implementar it mayad.
Bangud sa nasambit nga sitwasyon, haeos indi eon nanda mabawi ro andang kapital sa magpanagat nga 3,500 hasta 4,000 pesos kun sa siin haeos 60% ro naagto sa gatong.
