Ginbulgar it grupo it mga mangingisda sa Zambales nga mas ginpili eon lang nanda anay nga magpangisda kilid it dagat kaysa piliton nga magpangisda sa West Philippine Sea, kasunod it naunang paeag it China nga pagpatuman sa ‘no-trespassing rule.
Suno kay Tropical Fish and Gatherer Association (TFGA) Joeffrey Elad, nahadlok sigon ro kaabuan sa mga miyembro nanda bangud nga base eagson ro mga raya it Tsino ag daehon sanda sa China.
Bangud kara hay ginalikawan anay sigon nanda ro pag-adto sa Scarborough Shoal ag kaeabanan kanda hay mas ginpili nga magpangisda maeapit sa mainland Zambales kon sa siin mas manaba ro mga nadadakpan nga isda.
Sa pihak kara, ‘willing’ gihapon ro mga mangingisda nga bumalik sa bajo De Masinloc bastat may mga barko it Philippine Coast Guard ukon Philippine Navy nga magaiba kanda ag magaserbe nandang escort.
Suno pa kaan nga kon inde bumalik ro mga mangingisda sa Bajo de Masinloc, posibleng daeayon eon raya nga maduea sa Pilipinas.
Sa pihak kara, sa bahin ni New Masinloc Fishermen Association President Leonardo Cuaresma, napueong barotong pangisda ro nagpadayon sa mga kaeawran maeapit sa Bajo de Masinloc ag Panatag Shoal kon sa siin tanan nga mga mangingisdang sakay it mga raya hay maayos nga nakabalik sa pampang.
